Námskeið í boði
Við bjóðum einnig upp á lokuð námskeið hjá Kvennastyrk. Hægt er að kaupa aðgang eingöngu að námskeiðinu eða, þar sem það á við, bæta við aðgangi að opnum hópatímum og líkamsrækt.
Startið
Lokaðir tímar sem henta sérstaklega vel konum sem finnst fyrstu skrefin í ræktinni íþyngjandi eða jafnvel kvíðavaldandi.
Í Startinu förum við vel yfir æfingarnar og búnaðinn, leggjum áherslu á góða líkamsbeitingu og byggjum smám saman upp öryggi og góðan grunn til að halda áfram.
Námskeiðið stendur yfir í fjórar vikur og mætt er tvisvar í viku. Innifalinn er aðgangur að líkamsrækt Kvennastyrks, öllum opnum hópatímum og jóga á meðan námskeiðinu stendur.
Yfirþjálfari: Viðar Bjarnason
Aðeins 12 pláss í hópnum.
Tímar: mánudagar og fimmtudagar kl. 19.45–20.35
Næsta tímabil hefst í byrjun nóvember og hefst skráning um miðjan október.
Pilates
Pilatesnámskeið þar sem lögð er áhersla á góða og rétta líkamsbeitingu, öndun, styrk og líkamsvitund.
Þjálfari veitir einstaklingsmiðaða leiðsögn og leiðréttir form eftir þörfum svo hver og ein fái sem mest út úr tímunum. Unnið er með hefðbundnar Pilates-gólfæfingar og æfingarnar auðgaðar með boltum og teygjuböndum eftir þörfum.
Þjálfari: Hlín Pétursdóttir
Núverandi námskeið er til 11. nóvember og er fullt. Næsta námskeið hefst mánudaginn 16. nóvember.
Tímar: mánudagar og miðvikudagar kl. 18.30–19.30
Hægt er að velja Pilates eitt og sér eða Pilates ásamt aðgangi að líkamsrækt og opnum hópatímum.