Það er svolítið merkilegt hvað hreyfing hefur lengi verið tengd við það að breyta því hvernig við lítum út. Léttast. Minnka um sentimetra. Komast í ákveðna stærð. Brenna kaloríum. Og það er auðvitað ekkert að því að vilja breyta líkamanum sínum eða hafa þannig markmið. En það er svo ótrúlega margt annað sem gerist þegar við styrkjum líkamann okkar. Hlutir sem sjást kannski ekki endilega á vigtinni eða í speglinum. Þú tekur allt í einu eftir því að innkaupapokarnir eru ekki ja

Það er svolítið merkilegt hvað það getur verið mikið verkefni að koma æfingu fyrir í vikunni þegar maður er að byrja aftur. Hvaða dag kemst ég? Hvaða tími hentar? Er ég með æfingafötin? Nenni ég í dag? Ætti ég kannski frekar að fara á morgun? Það fer næstum meiri orka í allar vangavelturnar en æfinguna sjálfa 😅 En svo líða nokkrar vikur. Og einhvern veginn breytist þetta. Þú hættir að taka ákvörðun um æfinguna í hvert einasta skipti. Þriðjudagstíminn er bara þriðjudagstí

Stundum þegar við tölum um líkamsrækt verður fókusinn svo fljótt á því hvernig við lítum út. Kílóin. Fötin. Vigtin. Speglarnir. En þegar við hugsum um ástæðuna fyrir því að við hreyfum okkur og lyftum lóðum, þá er hún svo miklu stærri en það. Við viljum vera sterk. Ekki bara sterk til að geta lyft þyngra lóði í ræktinni – heldur sterk í lífinu. Við viljum geta borið innkaupapokana inn úr bílnum. Lyft barninu eða barnabarninu upp. Gengið upp stigann án þess að hugsa um það

Það er merkilegt hvað við erum fljót að skipta lífinu niður í tímabil. „Eftir helgi...“ „Eftir sumarfrí...“ „Þegar skólinn byrjar...“ „Næsta mánudag...“ Við bíðum of oft eftir rétta augnablikinu til að byrja. En ef maður hugsar aðeins út í það þá er lífið ekki þannig. Við vöknum ekki allt í einu á mánudegi með meiri orku eða meiri viljastyrk bara af því dagatalið segir að ný vika sé byrjuð. Það sem skiptir máli eru litlu skrefin sem við tökum aftur og aftur. Kannski verður f

Það er svolítið sérstakt þegar maður hugsar um það... Mánudagar fá oft ekki mikið hrós. Við tölum um að helgin hafi liðið of hratt og að ný vika sé að byrja. En veistu hvað okkur finnst skemmtilegast að heyra? „Ég hlakka til að mæta aftur á mánudaginn.“ Þegar einhver segir þetta vitum við að það snýst um miklu meira en æfinguna sjálfa. Það snýst um að líða vel. Um að hitta fólkið sitt. Um að gera eitthvað gott fyrir sjálfa sig. Það er nákvæmlega svona sem við viljum að K

Ég held að margar konur kannist við þessa tilfinningu ... Vikan er að líða undir lok og áður en helgin byrjar fer maður ósjálfrátt að hugsa: Ég hefði átt að mæta oftar. Ég hefði átt að sofa meira. Ég hefði átt að hreyfa mig betur. Ég hefði átt að gefa mér meiri tíma. Það er eins og við séum oft miklu duglegri að telja það sem við náðum ekki en allt hitt. En í vikunni fór ég að velta þessu aðeins fyrir mér. Í Kvennastyrk sjáum við konur á öllum aldri og á öllum stigum lífsins.

Af hverju ættu konur að lyfta lóðum? Svarið er einfalt: Vegna þess að styrktarþjálfun er meira en bara að byggja upp vöðva. Það er leið til að styrkja líkamann, efla hugann og hlúa að sjálfsmyndinni á dýpri hátt. Þegar þú lyftir, eflir þú innri styrk sem þú vissir jafnvel ekki að væri til, og það skilar sér út í allar hliðar lífsins. Styrktarþjálfun hefur ótrúlega marga kosti, bæði líkamlega og andlega. Hún bætir beinþéttni, eykur efnaskipti, sem hjálpar til við þyngdarstjórn

Suma daga er púkinn á öxlinni einkar hávær. Hann með lúmskum leiðum telur þér trú að þú nennir ekki á æfingu, að það sé í lagi að mæta ekki, að það sé í lagi að gefast upp. Hann er í banastuði, stútfullur af miður góðum hugmyndum, réttlætingum og ráðleggingum. Púkinn er kraftmikill lítill skratti. Ekki láta hann sigra. Ef það er púki á annarri öxlinni - þá er engill á hinni. Engillinn hjálpar þér áfram, hann hvíslar að þér að gefast ekki upp. Hann hvíslar að þér því sem þú ve

Þegar þú vaknar á morgnana hefur þú val um tvennt, að brosa og taka deginum með jákvæðni að vopni eða að dvelja í neikvæðninni og dröslast á fætur úrill og súr. Þetta er val sem fylgir þér í gegnum allan daginn, alla daga. Þú hefur alltaf þetta val! Það er auðvelt að gleyma sér í súrleikanum Það er auðvelt að gleyma sér í súrleikanum; að tala ekki um neitt nema hve allt er súrt, að hugsa endalaust um hvað tímarnir séu erfiðir, hvað lífið sé þungt, dimmt og drungalegt. Að velk

Að finna jafnvægi í lífinu er ein mesta gjöf sem þú getur gefið sjálfri þér. Sem manneskja hefur þú mörg hlutverk sem bera ýmsar kröfur. Það eru vinnutengdar kröfur, fjölskyldu, félagslegar og loks það sem snýr að þinni eigin vellíðan. Jafnvægi þýðir ekki fullkomnun; það þýðir að taka upplýstar, kærleiksríkar ákvarðanir sem styðja líkama, hug og sálarlíf. Hreyfing er eitt öflugasta tækið til að styrkja bæði líkama og sjálfstraust. Að mæta í ræktina, fara í hóptíma og hreyf

Nýársheiti eða markmið Nú þegar árið er að líða undir lok er tilvalið að staldra aðeins við, líta yfir farinn veg og fara yfir það sem maður gerði vel á árinu og hvað hefði mátt fara betur. Ef þú settir þér markmið fyrir 2025 þá er líka núna kjörið tækifæri til að fara yfir þau markmið, sjá hverjum þú náðir, hver þeirra væri sniðugt að uppfæra og hverju má bara fleygja í ruslið. Fyrir nýtt ár er gott að hugleiða hvað maður vill fá út úr árinu, hvað maður vill uppskera. Hverj

Hreyfing og líkamleg virkni hafa djúpstæð áhrif á andlega heilsu og vellíðan okkar. Regluleg hreyfing losar framleiðslu efna eins og...