Þjálfararnir okkar

Viðar er reynslubolti á sviði þjálfunar og hefur umsjón með tímum Kvennastyrks ásamt því að kenna þá ansi marga. Hann er einkaþjálfari frá Intensive PT í Svíþjóð og er þrautreyndur á sínu sviði. „Ég var yfirþjálfari þreks hjá RVK MMA og sá um styrktarþjálfun yngri flokka hjá Val síðustu misseri. Í dag hef ég fært mig alveg yfir í Kvennastyrk ásamt því að vera styrktar- og þrekþjálfari meistaraflokks kvenna í handbolta hjá Val. Í öllum okkar tímum er hægt að aðlaga æfingar að þörfum hverrar og einnar sem gerir konum kleift að prófa það sem þeim langar til, burt séð frá fyrri reynslu. Við bjóðum fjölbreytta tíma fyrir fjölbreyttar konur í hjarta Hafnarfjarðar.“

Halldóra er með MBA gráðu frá Háskóla Íslands og hefur áratugareynslu í markaðs- og stjórnunarstörfum. Halldóra hefur kennt vel yfir tvö þúsund hópatíma. „Ég kenni ýmsa tíma hjá Kvennastyrk eins og 60+, MömmuStyrk og fjölbreytta morgun- og seinnipartstíma. Þá er ég búin með þjálfaranámskeið fyrir nýbakaðar mæður og konur á meðgöngu. Ég fæ mikið úr því að þjálfa okkar frábæru konur sem eru eins fjölbreyttar og æfingarnar og á öllum aldri. Við þjálfararnir leggjum öll mikla áherslu á að hér líði konum vel og við aðlögum æfingar þegar þörf er á.

​

Einnig tek ég að mér ráðgjafastörf fyrir smærri aðila í markaðsmálum sem og heimasíðugerð en ég er reynd í textagerð, markaðsmálum, vefsíðugerð og -stjórnun.“

Berglind Eva hefur lokið námi til einkaþjálfararéttinda við einkaþjálfaraskóla World Class auk þess sem hún hefur margra ára reynslu í líkamsrækt, bæði sem einstaklingur og sem hluti af hóp. Hún hefur stundað alls kyns hreyfingu í gegnum tíðina en sem dæmi mætti nefna fótbolta, frjálsar, bardagaíþróttir og jóga. Hún stundar nám við Sálfræðideild Háskóla Íslands og þjálfar hina ýmsu hóptíma hjá Kvennastyrk samhliða námi og fjölskyldulífi, auk þess sem Berglind tekur að sér einkaþjálfun. 

„Ég legg mikla áherslu á hreyfingu og mataræði sem hluta af heilbrigðum lífstíl þar sem tilgangurinn er að líða vel og efla heilsu, bæði líkamlega og andlega. Það er sigur að mæta sjálfum sér þar sem maður er staddur hverju sinni og ég er alltaf tilbúin að mæta ykkur þar. Ég vil að öllum þeim konum sem mæta í þjálfun hjá mér líði betur þegar þær fara eftir góða æfingu í jákvæðu andrúmslofti.“

Katharina lauk 200 tíma grunnnám sem jógakennari í Amarayoga vorið 2023 og hóf strax 300 tíma framhaldsnám sem hún lauk hjá sama kennara 2026. Sem hlutur af framhaldsnámi er hún nú þegar búin að ljúka námið sem Jóga Nidra kennari og hugleiðslu. Katharina er með margra ára reynslu í jóga en jóga ferðalagið hennar hófst 2006 á þeim tíma í meðgöngu- og mömmujóga. Einnig hefur Katharina menntað sig í Bandvefslosun og lokið Reiki I og II.

,,Að stunda Jóga er eins og að koma heim, dásamleg og gefandi leið að tengjast sjálfri mér betur, næra og styrkja bæði sál og líkama. Að kenna jóga er svo í rauninni að toppa þessa eigin upplifun með því að fá að taka aðra með mér inn í þetta ferðalag að tengja inn á við og gefa af mér í leiðinni.“
Katharina er fædd og uppalin í Þýskalandi en hefur búið á íslandi frá því 1998. Hún er þriggja barna móðir sem er búsett í Hafnarfirði með hund og kött, starfar sem þýskukennari í menntaskóla en einnig sem leiðsögumaður á sumrin.

Nicole er þjálfari hjá Kvennastyrk og býður líka upp á einkaþjálfun. „Einkaþjálfun með tilgangi – fyrir líkama, huga og sjálfstraust Ferðalag mitt í þjálfun hófst ekki í ræktinni, heldur á ferðalagi um heiminn þar sem ég uppgötvaði hvernig hreyfing getur styrkt bæði líkama og huga, og tengt okkur dýpra við okkur sjálf. Ég skapa sérsniðin þjálfunarplön sem byggja á faglegri þekkingu, reynslu og innsæi – hvort sem þú ert að vinna með bakverki, ofhreyfanleika eða vilt einfaldlega endurheimta styrk og sjálfstraust. Ég hjálpa þér að ná árangri á þínum eigin forsendum – með markvissri, sársaukalausri hreyfingu og plani sem passar inn í raunverulegt líf.“

Menntun: Einkaþjálfari frá Keili · Stúdentspróf af íþróttabraut. Sérhæfing: Bakmeiðsli, ofhreyfanleiki, vöðvavinna · lyftutækni. Tungumál: íslenska, enska, pólska. Hafðu samband hvort sem þú ert tilbúin að byrja eða með spurningu – enginn þrýstingur, bara alvöru stuðningur.

Silja er með B.S. gráðu í Íþrótta- og heilsufræði frá Háskóla Íslands og hefur starfað sem bæði íþróttafræðingur og hóptímaþjálfari síðan þá. Einnig hefur hún lokið þjálfaranámskeiði frá In shape studio.

​

„Ég hef frá unga aldri haft mikinn áhuga á heilsu, hreyfingu og næringu, og hef alltaf haft trú á að heilbrigður lífsstíll þurfi ekki að vera flókinn. Ég trúi ekki á strangar og öfgakenndar reglur - heldur jafnvægi, fjölbreytni og að njóta lífsins.

Mér finnst fátt skemmtilegra en að hvetja fólk áfram í sinni þjálfun og sjá það ná þeim árangri sem það stefnir að. Fyrir mér snýst þjálfun ekki bara um það sem gerist í ræktinni heldur líka um að byggja upp sjálfstraust, styrk og góðar venjur sem passa inn í daglegt líf.

Ég hef sérstaklega mikinn áhuga á þjálfun fyrir konur og hvernig hægt er að aðlaga hreyfingu að líkamanum, markmiðum og mismunandi tímabilum lífsins. Markmiðið mitt er að skapa jákvæða og hvetjandi upplifun þar sem hver og ein fær að þróast á sínum eigin forsendum.

Samhliða þjálfun er ég í meistaranámi í markaðsfræði og hef því einnig mikinn áhuga á samskiptum, samfélagsmiðlum og öllu sem tengist heilsu og lífsstíl