Tímar í boði
Fjölbreyttir tímar allan daginn fyrir allar konur. Í öllum tímum æfa konur undir styrkri handleiðslu þjálfara sem aðlagar allar æfingar eftir þörfum að hverri og einni. Ungar sem aldnar, byrjendur sem lengra komnar geta þannig æft hlið við hlið á sínum eigin forsendum og eftir eigin getu. Tímarnir eru fjölbreyttir og hámark í stærstu tímunum eru 18 konur þannig að þú týnist aldrei í fjöldanum og í tímunum fylgjast þjálfararnir okkar alltaf með réttum beitingum í æfingum og líkamsstöðu.
Styrkur - 50 mín
Styrkur er oft á daga alla virka daga frá klukkan 6.40. Unnið er með styrk, vöðvaþol, úthald, hreyfanleika með fjölbreyttum æfingum og útfærslum. Við notum lóð, teygjur, ketilbjöllur, eigin líkamsþyngd og allt það sem okkur dettur í hug hverju sinni. Skemmtilegt og einstaklega fjölbreytt.
KraftStyrkur - 50 mín
Áhersla er lögð á þyngri lyftingar og tækni. Unnið í að auka vöðvastyrk og getu. Vertu ófeimin, við getum allar lyft. Líka þó við höfum aldrei gert það áður. Við vinnum alltaf út frá getu. KraftStyrkur er í hádeginu á mánudögum, miðvikudögum og föstudögum frá 11.55 til 12.45.
MömmuStyrkur - 60 mín
Tími ætlaður konum í fæðingarorlofi þar sem kríli eru velkomin með í tíma. Lagt er upp með að auka styrk og þol, kenna rétta líkamsbeitingu í ýmsum æfingum og kenna konum á þær breytingar sem hafa átt sér stað á meðgöngunni og eftir fæðingu. Allar æfingar eru skalanlegar upp og niður svo þú ræður þínu tempói og við vinnum alltaf út frá líkamsástandi dagsins í dag.
Hægt er að byrja hvenær sem er í Mömmustyrk. Eftirfarandi hópar eru í boði:
1. Mán-mið-fös 9.30-10.30
2. Mán-mið-fös 10.40-11.40
3. Þri-fim 9.45-10.45
HelgarStyrkur - 50-60 mín
Alveg eins og Styrkur nema núna er gefið aðeins í. Förum aðeins lengra, þyngra, hraðar og meira! Breytilegir tímar viku frá viku, stundum félagaæfing þar sem unnið er með vinkonu, stundum eitthvað annað. En alltaf gaman!
Tímarnir eru á laugardögum kl. 9.15.
Startið - Lokaðir tímar
Lokaðir tímar sem eru sérstaklega tilvaldnir fyrir þær sem vilja taka fyrstu skrefin í átt að betri heilsu, byrja í ræktinni og þær sem vilja æfa í lokuðu umhverfi í litlum hóp. Um er að fjórar vikur þar sem mætt er tvisvar í viku í tíma.
Námskeiðinu fylgir aðgangur að ræktinni hjá Kvennastyrk sem hægt er að mæta í að vild á opnunartíma stöðvarinnar sem og aðgangur að opnum tímum.
Tími: þriðjudagar & fimmtudagar frá 19.45-20.35
HraðStyrkur - 35 mín
HraðStyrkur er hér um bil alveg eins og Styrkur nema tíminn er 35 mínútur. Fjölbreyttir og aldrei eins!
HraðStyrkur er alla virka morgna klukkan 7.40-8.15, í hádeginu á þriðjudögum og fimmtudögum klukkan 11.55-12.30 og loks á mánudögum, miðvikudögum og fimmtudögum kl. 17.20-17.55.
Styrkur 60+ - 50 mín
Frábærar og fjölbreyttar styrktar- og þrekæfingar fyrir konur sextíu ára og eldri. Unnið í að auka vöðvastyrk og getu og nýtum við allskonar æfingar til þessa. Við endum alltaf tímana á teygjum og förum út enn hressari. Tímarnir eru alla mánudaga, miðvikudaga og fimmtudaga klukkan 13.10 til 14.00.
Jóga / endurheimt - 60 mín
Náðu þér niður eftir æfingar vikunnar, auktu liðleika, grunnstyrk og vellíðan. Enginn grunnur nauðsynlegur. Jóga er þrisvar í viku, á þriðjudögum kl. 17.20, á fimmtudagsmorgnum kl. 8.30 og á laugardögum kl. 10.30.
Pilates námskeið - Lokað námskeið
Pilates hefur verið afar vinsælt hjá okkur og hér er um að ræða nýtt námskeið. Námskeiðið hentar nánast öllum óháð aldri, getustigi og stirðleika. Í tímunum verður tekið vel á öllum líkamanum.
Námskeið í gólfæfingum Pilates þar sem lögð er áhersla á góða og rétta líkamsbeitingu í æfingunum. Nemendur fá einstaklingsmiðaða kennslu þar sem kennari veitir leiðsögn og leiðréttir form eftir þörfum svo nemendur fái sem mest út úr tímum. Í tímunum verður farið í gegnum hefðbundnar gólfæfingar Pilates en æfingarnar auðgaðar með notkun bolta og teygjubanda eftir þörfum.
Kennari Hlín Pétursdóttir.
Tímarnir eru tvisvar í viku, þriðjudaga og fimmtudaga frá 18.40-19.35.
Heyrum frá iðkendum ...
