Tímar í boði
Fjölbreyttir tímar fyrir konur á öllum aldri og öllum getustigum 💜
Hvort sem þú ert að stíga fyrstu skrefin, hefur æft lengi eða ert að koma aftur eftir hlé, þá finnur þú tíma sem hentar þér hjá Kvennastyrk.
Í öllum hóptímum færðu leiðsögn frá þjálfara og við aðlögum æfingar, álag og útfærslur eftir þörfum. Það þýðir að byrjendur og lengra komnar geta vel æft hlið við hlið – hvor á sínum forsendum.
Hjá okkur eru hóparnir ekki stórir og þjálfarinn fylgist með framkvæmd æfinga, hjálpar þér að finna rétta útfærslu og passar að þú fáir sem mest út úr tímanum.
Þú þarft ekki að vita fyrirfram hvaða tími hentar þér best.
Komdu og prófaðu – fyrsti prufutíminn er frír 💜
Styrkur - 50 mín
Fjölbreyttur styrktartími þar sem við vinnum með styrk, vöðvaþol, úthald og hreyfigetu.
Við notum meðal annars lóð, ketilbjöllur, teygjur og eigin líkamsþyngd – og tímarnir eru sjaldnast alveg eins.
Æfingarnar eru aðlagaðar eftir þörfum, þannig að þú vinnur út frá þinni getu hverju sinni.
Hentar bæði byrjendum og lengra komnum.
KraftStyrkur - 50 mín
Fyrir þig sem langar að lyfta aðeins þyngra 💪
Í KraftStyrk leggjum við meiri áherslu á styrk, lyftingar og góða tækni. Þú þarft þó alls ekki að hafa reynslu af lyftingum til að mæta.
Við vinnum alltaf út frá getu hverrar konu og hjálpum þér að finna rétta þyngd og útfærslu.
Vertu ófeimin – við getum allar lyft. Líka þó við höfum aldrei gert það áður.
MömmuStyrkur - 60 mín
Sterkari mamma – krílið fær að koma með 💜
MömmuStyrkur er fyrir konur eftir meðgöngu og fæðingu sem vilja byggja upp styrk og hreyfigetu með góðri leiðsögn.
Við vinnum meðal annars með styrk, líkamsbeitingu, kjarna, mjaðmir og grindarbotn og aðlögum æfingarnar að hverri konu.
Og auðvitað er gert ráð fyrir krílunum 👶
Þú mátt gefa, hugga, skipta eða taka pásu þegar þarf. Þú ert ekki að trufla tímann – þetta er MömmuStyrkur.
Hægt er að byrja hvenær sem er.
HelgarStyrkur - 50-60 mín
Helgin má alveg byrja með smá krafti 💪
HelgarStyrkur er fjölbreyttur tími þar sem við gefum aðeins í.
Stundum vinnum við þyngra, stundum hraðar, stundum með vinkonu – og stundum kemur þjálfarinn með eitthvað allt annað 😅
Laugardagar kl. 9.15.
Startið - Lokaðir tímar
Fyrir þig sem vilt góðan ramma utan um byrjunina 💜
Startið hentar sérstaklega konum sem vilja byrja að æfa eða koma sér aftur af stað með fasta tíma, leiðsögn og lítinn hóp.
Þú þarft ekki að kunna á tækin eða vita hvaða æfingar þú átt að gera. Við förum yfir æfingarnar, hjálpum þér með framkvæmdina og aðlögum þær að þér eftir þörfum.
Námskeiðið stendur yfir í fjórar vikur og æft er tvisvar í viku.
Með námskeiðinu fylgir einnig aðgangur að ræktinni og opnum hóptímum hjá Kvennastyrk.
HraðStyrkur - 35 mín
Stutt, markvisst og fjölbreytt 💪
HraðStyrkur er fyrir dagana þegar þú vilt ná góðri æfingu á aðeins 35 mínútum.
Sama hugmynd og í Styrk – fjölbreyttar styrktar- og þrekæfingar sem eru aðlagaðar eftir þörfum – bara á aðeins styttri tíma.
35 mínútur. Mætt, æft og búið 😅
Styrkur 60+ - 50 mín
Sterkari í daglegu lífi 💜
Styrkur 60+ er fyrir konur 60 ára og eldri sem vilja byggja upp og viðhalda styrk, jafnvægi og hreyfigetu.
Við vinnum með fjölbreyttar styrktar- og þrekæfingar og aðlögum þær að hverri konu eftir þörfum.
Markmiðið er ekki bara að verða sterkari í salnum – heldur að styrkurinn nýtist líka í daglegu lífi.
Jóga / endurheimt - 60 mín
Smá ró á móti öllu hinu 💜
Í jóga vinnum við með hreyfigetu, liðleika, grunnstyrk, öndun og endurheimt.
Þú þarft enga fyrri reynslu af jóga og vinnur alltaf út frá þinni getu.
Og já – jóga er innifalið í Fljótandi kortinu.
Ljómandi laugardagsjóga
Laugardagur 10.30-11.30
Þú og þitt þriðjudagsjóga
Þriðjudagar 17.20-18.30
Flæðandi fimmtudagsjóga
Fimmtudagar 8.30-9.30
Pilates námskeið - Lokað námskeið
Námskeiðið hentar nánast öllum, óháð aldri, getustigi eða stirðleika.
Pilates hjá Hlín er fyrir þig sem vilt vinna markvisst með styrk, líkamsvitund, öndun og góða líkamsbeitingu.
Unnið er með hefðbundnar Pilates-gólfæfingar og meðal annars bolta og teygjur eftir þörfum.
Hlín leiðbeinir hverri konu og aðlagar æfingar eftir getu svo bæði byrjendur og þær sem hafa reynslu af Pilates geti fengið mikið út úr tímunum.
Kennari: Hlín Pétursdóttir.
Fljótandi kort
Viltu velja tímana eftir vikunni þinni?
Með Fljótandi korti þarftu ekki að eiga fastan tíma.
Þú færð aðgang að:
💜 öllum opnum hóptímum
💜 jóga
💜 lyftinga- og tækjasalnum
💜 leiðsögn frá þjálfurum í hóptímum
💜 frelsi til að velja þá tíma sem henta þér hverju sinni
Vikan þín. Þínir tímar 💜